وێناى ژنى كورد له تۆمارى گه‌ڕیده‌‌وكوردناسه‌كاندا سه‌ده‌ى (18 - 20)
##semicolon##
https://doi.org/10.26436/hjuoz.2018.6.3.123##semicolon##
تۆمارى گه‌ڕیده‌‌وكوردناسه‌كاندا##common.commaListSeparator## وێناى ژنى كوردپوختە
ژن وه‌ك ره‌گه‌زێكى بنچینه‌یى كۆمه‌ڵگه به پێى قۆناغه مێژووییه‌كان رۆلأ‌و پێگه‌ى خۆى هه‌بووه له پێشخستنى شارستانیه‌ت‌و په‌ره‌سه‌ندنى كۆمه‌ڵگه‌كانى جیهان، به‌پێى ئه‌و بواره‌ى بۆى ره‌خساوه‌‌و كارى تێدا كردووه توانیویه‌تى جێده‌ستى خۆى به‌سه‌ر گۆڕانكاریه‌كانى كۆمه‌ڵگه‌وه جێ بهێڵێت، به‌و پێه‌ى یه‌كێك له پێوه‌ره‌كانى پێشكه‌وتنى هه‌ر میله‌تێك وابه‌سته‌یه به پێشكه‌وتنى بارى كۆمه‌ڵایه‌تى‌و په‌یوه‌ندیه خێزانیه‌كانى كۆمه‌ڵگه‌وه، ژنیش وه‌ك یه‌كه‌یه‌كى بنچینه‌یى خێزان هه‌میشه كاره‌كته‌رى سه‌ره‌كى نێو خێزان بووه‌‌و په‌روه‌رده‌كه‌رى تاكه‌كانى كۆمه‌ڵگه‌ى مرۆڤایه‌تى له ئه‌ستۆ بووه، بۆیه زیاتر له بوارى كۆمه‌ڵایه‌تیدا جێده‌ستیان دیار بووه، به‌م پێوه‌ره تا ژن ئازاد‌و رۆشنبیر بوبێت تاكێكى ئازاد‌و رۆشنبیرى بۆ كۆمه‌ڵگه به‌رهه‌مهێناوه‌‌و پێچه‌وانه‌ى ئه‌مه‌ش دروسته. لێكۆڵینه‌وه له بوارى ژناندا كارێكى سه‌خته، به‌تایبه‌تى ژنانى كورد كه به‌چاو ژنانى جیهانه‌وه كه‌متر ده‌رفه‌تى خۆرێكخستن‌و ده‌ركه‌وتن‌و پێشكه‌وتنیان بۆ ساز بووه‌‌و لێكۆڵینه‌وه له پێگه‌ى ژنى كورد كارێكى كه‌مێك زه‌حمه‌ته، به هۆى نه‌بوونى سه‌رچاوه‌ى پێویست‌و گرنگى نه‌دان به‌و بواره وایكردووه لێكۆڵینه‌وه له‌سه‌ر ژنانى كورد كه‌م‌و كورت بێت، به‌ڵام ئه‌وه‌ى جێگه‌ى خۆشحاڵیه ژنى كورد پێچه‌وانه‌ى ژنانى رۆژهه‌ڵات جێگه‌ى سه‌رنجى رۆژهه‌ڵاتناس‌و كوردناس‌و بیانیه‌كان بوون‌و هه‌میشه وه‌ك خاڵى جودا كه‌ره‌وه‌ى نێوان میلله‌تانى رۆژهه‌ڵات چاوى لێكراوه، ئه‌مه بۆ ئێمه‌ى كورد به خاڵێكى زۆر به‌هێز ئه‌ژمار ده‌كرێت‌و ده‌توانرێ له‌م رێگه‌یه‌وه كۆمه‌ڵگه‌ى كوردى هه‌ڵسه‌نگێنرێت.
##submission.downloads##
بڵاو کرایەوە
چۆنییەتی بەکارهێنانی سەرچاوە
ژمارە
بەش
##submission.license##
Authors who publish with this journal agree to the following terms:
- Authors retain copyright and grant the journal right of first publication with the work simultaneously licensed under a Creative Commons Attribution License [CC BY-NC-SA 4.0] that allows others to share the work with an acknowledgment of the work's authorship and initial publication in this journal.
- Authors are able to enter into separate, additional contractual arrangements for the non-exclusive distribution of the journal's published version of the work, with an acknowledgment of its initial publication in this journal.
- Authors are permitted and encouraged to post their work online.
